GEROCOMIUM

GEROCOMIUM

ex Graeco Γηροκομεῖον, locus ubi Senes aluntur, in Vita Euphrosinae Virg n. 8. aliter Gerontocomium, Gr. Γεροντοκομεῖον, apud sulian. Antecess. Constit 7. Diversorium Senum, in Monasteriis agnoscit Petrus Diacon. de Mirac. S. Benedicti Casini patratis n. 29. Inter quod Γηροκομεῖον et Γηροτροφεῖον id discriminis ponunt Grammatici, quod istud ampla, hoc minor aedes sit, in qua aluntur senes. Lexicon Gr. MS Γηροκομεῖον μέγα, Γηροτροφεῖον μικρὸν, Gerocomium magnum, Gerotrophium parvum, apud C. du Fresne in Gloss. qui de Gerontocomiis et Gerotrophiis CP. agit in CP. Christ. Ceterum Gerontocomia primum instituisse Hyrcanum Iudaeorum Principem, refert Egesippus. Quem imitatus inter Christianos Impp. Mauritius, domum, in qua senes morbosi alerentur, nomine vivarii sumptuosi, exstruxisse magnificis impensis, legitur apud Cedren. etc.